هل فى وقت نحس ببعض زى زمان و نطمن بعض
هل فى وقت نحس ببعض زى زمان و نطمن بعض
هل فى وقت نقدر نحلم بالحرية و الحنية و النية الصافية المنسية
الحرية .. والحنية .. و النية .. الصافية المنسية
ونطبطب بايدينا على بعض
هل فى وقت نضم عيالنا و نغنيلهم غنوة اخرس يجرى مابينا
و يعرينا و ينسينا حروف اسامينا
ويبكينا و يضحكنا على وكستنا و ليه ماللغل نعض فى بعض
هل فى وقت نفكر لحظة فى اللى جرالنا
و ليه الماضى بيمسك ديل جلابيت الماضى و المستقبل
و يمرمغهم ليه فى الارض
هل فى وقت هنبلع ريقنا و نجدل حبل طويل و يخنقنا
و يجمعنا الموت مع بعض
هل فى وقت قبل نهاية الجنس البشرى نقدر تانى نحب فى بعض
هل فى وقت نقدر نحلم بالحرية و الحنية و النية الصافية المنسية
الحرية .. والحنية .. و النية .. الصافية المنسية
ونطبطب بايدينا على بعض
ليست هناك تعليقات:
إرسال تعليق
proud to serve u and waiting your comments